POLISI katika Kanda Maalumu ya Dar es Salaam inawashikila watu watano kwa tuhuma za kupatikana wakiwa na milipuko hatari.

KATIKA kukabiliana na ujangili kwa wanyamapori nchini, Serikali imeanza mchakato wa kuanzishwa kwa Mamlaka ya Wanyamapori Tanzania itakayokuwa mithili ya `jeshi maalumu’ la kulinda wanyama hao.

RASIMU ya Sera ya Elimu na Mafunzo nchini inapendekeza kuunganisha elimu ya msingi na sekondari ya kawaida ya sasa ili kuunda elimu-msingi itakayotolewa kwa kipindi cha miaka 10 kuanzia mwaka 2018, imefahamika. Rasimu ya kwanza ya Sera hiyo imeshakamilika na sasa wadau mbalimbali wanatoa mapendekezo yao kuiboresha, kabla ya kupelekwa bungeni ili kutungiwa sheria.

SERIKALI imesema inafanya mkakati kuhakikisha Kiswahili kinazungumzwa katika kongamano za kimataifa. Aidha, imekiri kwamba walimu wengi wanaofundisha lugha hiyo katika vyuo mbalimbali vya kimataifa, wanatoka Kenya jambo ambalo imesema inafanyika mikakati kuwezesha Watanzania pia kufundisha.

MBUNGE wa Mbeya Mjini, Joseph Mbilinyi (Chadema) ametaka wastaafu na wabunge, wasiingizwe kwenye bodi za mashirika ya serikali, badala yake wateuliwe watu wapya, hususan vijana. Mbilinyi alisema wabunge wana mambo mengi.

WAUMINI wa dini ya Kikristo nchini, wamehimizwa kudumisha amani na waumini wa dini nyingine na kutojaribu kujitenga kwa misingi ya tofauti za dini na ukanda. Hayo yamesemwa leo mjini hapa na Askofu mkuu mstaafu wa jimbo la Songea Mhashamu Norbet Mtega wakati akizungumza na waandishi wa habari sababu ya kustaafu kwake.

SHAHIDI katika kesi ya kuharibu mali inayomkabili Imamu wa Msikiti wa Kigwe na wenzake wawili, ameiambia mahakama kuwa, alishuhudia sufuria kubwa la kupikia chakula cha wanafunzi wa Shule ya Msingi Kigwe, likiharibiwa, kwa madai kuwa lilikuwa likitumika kwa ajili ya kuchemshia maji ya kuchunia nguruwe.

KATIKA kuboresha usalama barabarani na kupunguza ajali, makundi matano yamepata tuzo ya ubunifu katika kuboresha masuala ya usalama barabarani kwa kutumia Teknolojia ya Mawasiliano (ICT).

JESHI la Polisi Mkoa wa Kinondoni limefanikiwa kuwakamata raia wa Ethiopia 12 kwa kosa la kuingia nchini bila kibali.