loader
Dstv Habarileo  Mobile
Picha

DC aonya wanaomkebehi JPM mtandaoni

MKUU wa Wilaya ya Arusha, Kenan Kihongosi amewataka watanzania kumuombea Rais John Magufuli kwa hali yoyote ile na kuepuka kebehi na kumdhalilisha kwenye mitandao ya kijamii.

Akizungumza jana Jijini Arusha kwenye kikao cha Baraza la Madiwani wa halmashauri ya Jiji la Arusha, Kihongosi alisema amelazimika kusema hayo kutokana na matusi yanayoendelea kwenye mitandao ya kijamii.

"Nimeshindwa kuvumilia imebidi niseme maana ukiangalia Twiter na kwenye mitandao mingine ya kijamii watu wanamkebehi na kumdhalilisha Rais wetu John Magufuli sasa unajiuliza kosa lake ni lipi au kuwajengea miundombinu mbalimbali au nini naomba tuache hii tabia mara moja,".

Alisema endapo watu wataendelea na tabia hiyo serikali haitawavumilia itashughulika nao.

Aidha alisema ni busara kwa wananchi wakajenga tabia ya kuheshimu viongozi wao.

"Ukimdhalilisha Rais unadhalilisha nchi yetu kweli hatutakubali… watu waache tabia hii inakera sana tunapaswa kumuombea ili aendelee kutuletea miradi mingine,"alisema huku akishangiliwa na madiwani wa baraza hilo..

Pia alitoa rai kwa madiwani wa Jiji hilo kuhakikisha wanashirikiana na serikali katika kutatua changamoto mbalimbali za wananchi.

JOPO la Majaji 12 nchini Marekani limemtia hatiani ...

foto
Mwandishi: Veronica Mheta, Arusha

2 Comments

  • avatar
    Emmanuel Mallya
    11/03/2021

    Nawapongeza sana..

  • avatar
    Hubert remigius
    12/03/2021

    Leaders should be respected for sure.

Post your comments

Tangazo

CRDB

Habari Nyingine

Categories

habari zaidi zinazoendana na hii

mpya # zaidi