loader
Wanaong’oa mawe kukiona

Wanaong’oa mawe kukiona

NAIBU Waziri wa Maji, Maryprisca Mahundi amesema Serikali itawachukulia hatua kali za kisheria wananchi wa wilaya ya Kilombero wanaoendelea na vitendo vya kung’oa mawe ya kuonesha mipaka ya vyanzo vya maji kwa lengo la kujiongezea ardhi kwa matumizi ya kibinadamu ikiwemo kilimo.

Mahundi ametoa  tahadhari hiyo hwakati wa mkutano na wananchi wa Kata ya Mbingu  iliyopo wilaya ya Kilombero , mkoani Morogoro, ambapo amesema  vitendo hivyo ni kosa la jinai  kwani  siku za karibuni tabia ya wananchi kung'oa mawe hayo kwenye mipaka  imejitokeza eneo la Bonde la maji la Rufiji.

Onyo la Naibu Waziri ni baada ya kupatiwa taarifa na Serikali ya wilaya ya Kilombero ya kwamba   baadhi ya wananchi wa  vijiji vya Chiwachiwa na Kisegese  wilayani humo  wameng’oa mawe 180 kati ya 200 kwa lengo la kupata maeneo ya kilimo na makazi .

“ Ni kosa kwa mwananchi kuingia katika vyanzo vya maji  na kufanya shughuli za kibinadamu na  ninazitaka mamlaka husika kuwaondoa wananchi wote waliovamia maeneo hayo na wakikaidi hatua za kisheria zichukuliwe dhidi yao” amesema  Mahundi.

Kwa upande wa  miradi ya maji inayoendelezwa katika wilaya hiyo amesema  ,kasi ya utekelezaji  inaridhisha na  serikali ya awamu ya sita itahakikisha inaendelea kutoa fedha ili miradi yote iliyoanzishwa ikamilike kwa wakati.

Naibu waziri  amesema , mradi wa maji wa Mbingu  , Serikali  imetoa Sh bilioni 3.2 ambao kwa sasa unatekelezwa  katika vijiji sita vya  kata mbili ya  Mbingu na Igima na kwa  miezi  michache iliyopita zilitolewa  Sh  milioni 400 kwa ajili ya kulaza mabomba na kukamilisha ujenzi wa tenki na shughuli hizo zimeshaanza kwa kasi.

Pamoja na hayo amesema pia serikali itatoa tena  kiasi kingine cha  fedha Sh milioni 500 ili kuendeleza mradi huo kwa awamu.

https://apps.tsn.go.tz/public/uploads/8c71195606e4ca08a0e71a6926b80d05.jpg

MKUU wa Mkoa wa Mara, Ally ...

foto
Mwandishi: John Nditi, Morogoro

Post your comments

Tangazo

CRDB

Habari Nyingine

Categories

habari zaidi zinazoendana na hii

mpya # zaidi