loader
Maafisa ugani fanyeni kazi kwa ubunifu - Mavunde

Maafisa ugani fanyeni kazi kwa ubunifu - Mavunde

NAIBU Waziri wa Kilimo Anthony Mavunde,  amewataka Maafisa Ugani kuwa wabunifu kutumia mafunzo rejea waliyopatiwa ili kuleta matokeo chanya na yenye tija kwa wakulima na kuacha kufanya kazi kwa mazoea.

 Mavunde ameyasema hayo leo tarehe 27 Januari, 2022 Wilayani Ruangwa Mkoani Lindi alipokuwa akihitimisha programu ya Kitaifa ya mafunzo kwa maafisa ugani.

Aidha,  amewaeleza kuwa programu hiyo ambayo imehusisha mafunzo rejea kwa maafisa ugani 1,350 katika Halmashauri 46 kwenye Mikoa takribani 18 nchi nzima, ni sehemu ya utekelezaji wa kipaumbele kimojawajapo cha Wizara ya Kilimo cha kuimarisha huduma za ugani nchini. 

"Sisi Wizara ya Kilimo tuna imani kubwa na nyinyi maafisa ugani, hivyo niwaombe imani hiyo mkaiweke kwa vitendo katika kuwaletea matokeo chanya wakulima wetu nchini.

 "Mimi na Mheshimiwa Waziri wa Kilimo hatutaki kuwa viongozi wa kutoa mifano ya nchi zingine, tunaamini tunao wajibu na uwezo wa kuleta mabadiliko na tija kwa wakulima wetu, sisi hatutaweza bila kushirikiana nanyi kwa ukaribu" amesema Mavunde.

Amesema suala la kuimarisha huduma za ugani ni maelekezo ya Rais Samia Suluhu,  na Ilani ya Uchaguzi ya CCM ndio maana Wizara imeongeza fedha za ugani kutoka shilingi milioni 603 kwa bajeti ya mwaka 2020/2021 hadi kufikia shilingi bilioni 11.5 mwaka 2021/2022.

 Aidha, alieleza kuwa changamoto ya uhaba wa vitendea kazi kwa wakulima Wizara inaifahamu, na hivi karibuni kupitia kwa Waziri wa Kilimo, Hussein Bashe utaanza kufanyika utaratibu wa  kumaliza changamoto hiyo. 
 

https://apps.tsn.go.tz/public/uploads/8e362be29b9f3fabc4adc96dbe025d39.jpeg

MKUU wa Mkoa wa Mara, Ally ...

foto
Mwandishi: Na Mwandishi Wetu

Post your comments

Tangazo

CRDB

Habari Nyingine

Categories

habari zaidi zinazoendana na hii

mpya # zaidi